ChatGPT ilə Alışveriş Etmək Mümkün Olacaq!

OpenAI, ChatGPT üzərindən alış-veriş üçün Shopify ilə əməkdaşlıq edir.
OpenAI, istifadəçilərin ChatGPT platforması üzərindən birbaşa məhsul alışı etməsi üçün e-ticarət nəhəngi Shopify ilə əməkdaşlıq etməyə hazırlaşır. Bu yeni funksionallıq sayəsində artıq istifadəçilər söhbət ekranını tərk etmədən birbaşa alış-veriş edə biləcəklər.

OpenAI-nin ChatGPT-yə inteqrasiya etdiyi yeni kod sətirləri yerli alış-veriş axınının asistant sisteminə əlavə olunduğunu göstərir. Bu kod parçaları Shopify tərəfindən təqdim edilən ödəniş səhifəsinə yönləndirmə ehtimalını göstərir. Bu isə sıradan bir tərəfdaşlıqdan daha çox, rəsmi əməkdaşlığın işarəsidir.

Söhbətdən çıxmadan alış-veriş mümkün olacaq

Bu yenilik istifadəçilərə xarici veb saytları açmadan, alış-verişi birbaşa ChatGPT içində başa çatdırmağa imkan verəcək. Beləliklə, ChatGPT tam funksional bir alış-veriş platformasına çevrilmiş olacaq. Shopify isə minlərlə satıcısı ilə əlavə texniki inteqrasiyaya ehtiyac olmadan, məhsullarını ChatGPT istifadəçilərinə təqdim edə biləcək.

Bu yeni funksiya hava durumu və maliyyə bazarları ilə bağlı əlavə edilən sistem modulları ilə yanaşı təqdim olunur. Kod sətirlərinin artıq istehsal mühitinə daxil edilməsi funksiyanın yaxın vaxtlarda istifadəyə veriləcəyinə işarə edir.

Rəqiblər də aktivdir: Microsoft 18 Apreldə "Copilot Merchant Program" layihəsini istifadəyə verərək satıcılar üçün söhbət daxilində mağaza interfeysi təqdim etdi. Digər tərəfdən, Perplexity 2023-cü ilin noyabr ayında "Pro ilə Satın Al" funksiyasını təqdim etdi. OpenAI isə artıq Operator adlı sınaq agenti vasitəsilə səyahət rezervasiyası və market sifarişləri üzərində testlər aparır.

Texnologiyadan xəbərdar olmaq üçün Telsat Xəbərləri izləməyi unutmayın.